आज विक्रम संवत २०८१ साल माघ ९ गते, बुधबार । ईश्वी सन् २०२५ जनवरी २२ तारिख । नेपाल संवत् ११४५ । कालयुक्तनाम संवत्सर । उत्तरायणं । शिशिर ऋतु । श्रीशाके १९४६ । माघ कृष्णपक्ष अष्टमी तिथि, १३ः३३ बजेपछि नवमी। स्वाती नक्षत्र। चन्द्रराशि तुला। आर्थिक दृष्टिकोणले तपाईँको आजको दिन कति महत्त्वपूर्ण छ ? हेर्नुस् राशिफल 

मेष (चु, चे, चो, ला, लि, लु, ले, लो, अ)

साझेदारीमा गरिएको व्यवसायबाट लाभ मिल्नेछ । आत्मविश्वास र नयाँ सोच लक्ष्य प्राप्ति गर्नमा सहायक बन्नेछ। नोकरी वा पेशामा जिम्मेवारी बढ्नेछ। आम्दानी बढाउने काम सुरु गर्न सकिनेछ। काममा सबैको सहयोग मिल्नेछ ।

वृष (इ, उ, ए, ओ, बा, बि, बु, बे, बो)
महत्वकांक्षी लक्ष्य प्राप्त गर्न समय पर्खनुपर्नेछ । सोखले खर्च बढाए पनि भौतिक साधन जुट्नाले दिन उत्साहजनक रहनेछ। लगनशीलताले नयाँ काम गर्ने अवसर दिलाउनेछ। पछिका लागि लगानी गर्ने अवसर प्राप्त हुनेछ। मेहनत गर्दा प्रतिस्पर्धामा विजयी बन्न सकिनेछ । 

मिथुन (का, कि, कु, घ, ङ, छ, के, को, ह)
आर्थिक दृष्टिले दिन सामान्य रहनेछ। बुद्धिको उपयोगले लक्ष्य प्राप्त हुनेछ। फाइदाको स्रोत पहिल्याउन सकिनेछ। प्रतिष्ठित काम सम्पादन गर्ने मौका छ। पछि लाभ हुने काम प्रारम्भ हुनेछ।

कर्कट (हि, हु, हे, हो, डा, डि, डु, डे, डो)
व्यापार व्यवसायमा गोपनीयता कायम राख्नुहोस् । सम्पत्तिलाई लिएर वादविवाद सुल्झिनेछ। प्रतिफल हातपार्न केही समय लाग्नेछ। अरुको भर पर्दा पछि परिनेछ । रोकिएको काम दोहोर्याएर गर्ने बन्ने योग छ । ।

सिंह (मा, मि, मु, मे, मो, टा, टि, टु, टे)
नयाँ कार्यको थालनी हुने योजना सफल हुनेछ। राज्य वा प्रशासनिक क्षेत्रबाट योजनाहरूको लाभ मिल्नेछ। प्रयत्न गर्दा ठूलो काम सम्पादन हुनेछ। छोटो समयमा राम्रो उपलब्धि हातपार्न सफल भइनेछ। स्रोत–साधन र सहयोगी जुट्नेछन्। दिर्घकालिन फाइदा हुने काम सुरु हुनेछ । गरिएका कामको प्रतिफल पाइनेछ । 

कन्या (टो, प, पि, पु, ष, ण, ठ, पे, पो)
कार्यक्षेत्रमा नयाँ अवसरको प्राप्तिले उत्साहित बनाउनेछ। पुरानो मुद्दा मामिलाहरू सुल्झिने सम्भावना छ। मेहनतले गरेका काम बन्ने योग छ  । महत्त्वाकांक्षी योजना गोप्य राखेर अघि बढ्नुहोला। आर्थिक पक्षमा ठूलो उपलब्धि नभए पनि सिक्ने अवसर भने प्राप्त हुनेछ।

तुला (र, रि, रु, रे, रो, ता, ति, तु, ते)
वैदेशिक यात्राको लागि शुभ सूचना मिल्नेछ। तारिफयोग्य कामले प्रशंसकहरू बढ्नेछन्। आकर्षक उपहारले प्राप्त हुनेछ । दोहोर्याएर काम गर्नुपर्ने अवस्था आउन सक्छ । गोपनीयता बाहिरिन सक्छ । 

वृश्चिक (तो, ना, नि, नु, ने, नो, या, यि, यु)
व्यापार व्यवसायमा सहयोगीहरूले साथ दिनेछन् । शत्रुहरू परास्त हुनेछन्। कार्यक्षेत्रमा दोहोराएर कार्य गर्नुपर्ला। खर्च बढ्ने समय छ । विलासी वस्तुहरूमा खर्च हुनसक्छ। लेनदेनमा सोचेजस्तो लाभ नहुनसक्छ । पछिका लागि लगानी गर्ने अवसर भने प्राप्त हुनेछ।

धनु (ये, यो, भ, भि, भु, ध, फा, ढ, भे)
कार्यक्षेत्रमा आर्थिक उन्नति हुनेछ। प्रतिष्ठित कार्य गर्ने अवसर मिल्नेछ।  मनग्य धन आर्जन हुनेछ र विभिन्न स्रोत–साधन जुट्नेछन्। श्रमको उचित मूल्यांकन हुनेछ । व्यापारमा राम्रै फड्को मार्न सकिनेछ। सट्टापट्टा, लेनदेन आदिमा फाइदा हुनेछ। फसेको कम उठ्ने समय छ । 

मकर (भो, ज, जि, खि, खु, खे, खो, गा, गि)
आर्थिक पक्ष सबल रहनेछ। मेहनतले पदीय जिम्मेवारी दिलाउनेछ। विशेष अवसर प्राप्त हुनाले मन प्रफुल्लित हुनेछ। एउटा काम सिध्याएर नै अर्को कार्य प्रारम्भ गर्नुहोला। व्यापार व्यवसायमा लाभ रहनेछ। मिहिनेतले उपलब्धि हात लाग्न सक्छ । कीर्तिमानी काम गर्ने समय छ । भूमि, वाहन र पैत्रिक सम्पत्तिबाट लाभ मिल्नेछ।

कुम्भ (गु, गे, गो, सा, सि, सु, से, सो, द)
आजको दिन उत्तम छ । फाइदा सामान्य भए पनि तारिफयोग्य काम हुनेछ । चिताएको काम छिटै सम्पादन हुनेछ। व्यापार–व्यवसाय विस्तार गर्ने समय छ। आफ्नो क्षेत्रमा राम्रै प्रभाव जमाउन सकिनेछ। दिगो फाइदा हुने काम सुरु गर्ने समय छ । दाम र प्रतिष्ठा कमाउने बेला छ।

मीन (दि, दु, थ, झ, ञ, दे, दो, च, चि)
वैदेशिक क्षेत्रबाट लाभ मिल्न सक्छ। भविष्यमा लाभ मिल्ने काम गर्ने समय छ । गरिएको कामबाट तत्काल उपलब्धि हात पर्नेछैन । अवसरका लागि दौडधुप गर्नुपर्ला। मिहिनेतको प्रतिफल भने प्राप्त हुनेछ।