आज विक्रम संवत २०८१ साल माघ १२ गते, शनिबार । ईश्वी सन् २०२५ जनवरी २५ तारिख । नेपाल संवत् ११४५ । कालयुक्तनाम संवत्सर । उत्तरायणं । शिशिर ऋतु । श्रीशाके १९४६ । माघ कृष्णपक्ष एकादशी तिथि, १८ः३६ बजेपछि द्वादशी। ज्येष्ठा नक्षत्र। चन्द्रराशि वृश्चिक। धनलाभको दृष्टिले तपाईँको राशिफल कस्तो कस्तो छ आज ? 

मेष (चु, चे, चो, ला, लि, लु, ले, लो, अ)
योजनाबद्ध तरिकाले कार्य गर्दा राम्रो लाभ रहनेछ। कार्यक्षेत्रमा नयाँ जिम्मेवारी पाउनुहुनेछ। उपलब्धिका लागि केही समय प्रतीक्षा गर्नुपर्ला। सामान्य कामकै लागि दौडधुप गर्नुपर्नेछ। समस्या दर्साउँदा सहयोगीहरूको साथ पाइनेछ।

वृष (इ, उ, ए, ओ, बा, बि, बु, बे, बो)
व्यापार व्यवसायमा आकस्मिक लाभको अवसर मिल्नेछ। कार्यक्षेत्रमा ठूलो सफलता हात लाग्नेछ। विशेष उपहार प्राप्त हुन सक्छ। भौतिक साधन जुट्नेछन्। व्यापारमा आम्दानी बढाउन सकिनेछ।

मिथुन (का, कि, कु, घ, ङ, छ, के, को, ह)
कार्यक्षेत्रमा लिएको जिम्मेवारी सफलतापूर्वक सम्पादन गर्न सकिनेछ । वित्तीय वा सरकारी संस्थाबाट लाभ प्राप्त होला। प्रतिस्पर्धामा विजयी भइनेछ। व्यापारलगायत आर्थिक लाभ हुने नयाँ काम प्रारम्भ हुनेछ। रोकिएका काम बन्नाले नयाँ काम गर्न सकिनेछ। 

कर्कट (हि, हु, हे, हो, डा, डि, डु, डे, डो)
सन्ततिको अध्ययनका लागि धन खर्च हुनेछ। यात्रा गर्दा आफ्नो धनमाल हराउन सक्छ । अरुका लागि बुद्धि र श्रम खर्चनुपर्ला। अवसर आए पनि खर्चिलो काम थाल्न राम्ररी विचार पुर्याउनुहोला। समयको मागअनुसार चल्ने प्रयास गर्नुहोला। 

सिंह (मा, मि, मु, मे, मो, टा, टि, टु, टे)
प्रशासनिक क्षेत्रमा प्रभाव बढ्नेछ। अवसरलाई पछ्याउन नसक्दा व्यवहारमा पछि परिनेछ। गोपनीयता भंग हुनसक्छ । विशेष योजना सार्वजनिक नगर्नुहोला। साझेदारीमा समस्या आउनाले पहिलेको सम्झौता भंग हुन सक्छ। नयाँ योजना प्रारम्भ गर्न उपयुक्त साइत पर्खनुहोला।

कन्या (टो, प, पि, पु, ष, ण, ठ, पे, पो)
कार्यक्षेत्रमा अनुभवीहरूको साथ मिल्नाले कार्यमा निखार आउनेछ। आयका नयाँ स्रोतहरू बन्नेछन्। आर्थिक पक्ष सबल रहनेछ। छोटो समयमा उपलब्धि हातलागी हुनेछ। स्रोत–साधन जुट्नाले कर्मको उचित प्रतिफल प्राप्त हुनेछ। रोकिएका काम बन्ने र नयाँ काम सुरु गर्ने समय छ। उद्योग र व्यापारमा फाइदा हुनेछ। 

तुला (र, रि, रु, रे, रो, ता, ति, तु, ते)
व्यापार व्यवसायमा नयाँ लेनदेन व्यापार विस्तारको लागि सहायक बन्नेछ। घरमा नयाँ आफन्तहरूको आगमनले मन प्रफुल्लित रहनेछ।आत्तिने बानीले काम बिग्रनुका साथै हातमा आएको मौका गुमाउनुपर्ला। स्थायी सम्पत्तिमा पनि विवाद आउन सक्छ। 

वृश्चिक (तो, ना, नि, नु, ने, नो, या, यि, यु)
कार्यक्षेत्रमा आफ्नो अलग पहिचान बनाउनमा सफल रहनुहुनेछ। नयाँ कामको प्रस्ताव आउनेछ भने साथ दिनेहरू बढ्नेछन्। रचनात्मक काम बन्नुका साथै मनग्गे धन आर्जन हुनेछ। पहिलेको सफलताले थप हौसला जगाउनेछ। आफन्तको साथ सहयोग जुट्नेछ।

धनु (ये, यो, भ, भि, भु, ध, फा, ढ, भे)
साझेदारी व्यापारमा लाभ रहनेछ। पैसाको लेनदेनमा सावधानी राख्नुहोला । परिश्रम परे पनि कम प्रतिफल प्राप्त हुनेछ। मुस्किलले काम बने पनि उठ्नुपर्ने रकम अड्किन सक्छ। नियमित काम तथा व्यवसायमा सामान्य फाइदा भइरहनेछ। आवश्यकता पूरा गर्न सरसापट लिनुपर्ने हुन सक्छ। पछिका लागि लगानी गर्न सकिनेछ। भविष्यका लागि सम्भावना खोजी गर्ने समय छ।

मकर (भो, ज, जि, खि, खु, खे, खो, गा, गि)
व्यापार व्यवसायमा विरोधीहरूको जालसाजीलाई समयमै बुझ्नमा सफलता मिल्नेछ। नयाँ कार्य हात लाग्नेछ। आम्दानीका नयाँ स्रोत फेला पर्नेछन्। पहिले गरेका कामबाट प्रशस्त लाभ हुनेछ। आम्दानी बढ्ने र उठ्नुपर्ने रकम हातलागी हुने समय छ। कृषि, पशुपालन तथा व्यापारबाट मनग्य धनलाभ हुनेछ। 

कुम्भ (गु, गे, गो, सा, सि, सु, से, सो, द)
व्यापारमा मनग्य लाभ हुनेछ। तारिफयोग्य काम गर्दै अरुको उपकार गर्न सकिनेछ। व्यापार व्यवसाय, कृषि तथा पशुपालनमा लाभ बढ्नेछ। विभिन्न अवसरले पछ्याउनेछन् भने दिगो काममा जग बसाउने मौका छ। मिहिनेतले नाम, दाम र इनाम दिलाउन सक्छ। भौतिक साधन जुट्नाले दिगो योजना प्रारम्भ हुनेछ।

मीन (दि, दु, थ, झ, ञ, दे, दो, च, चि)
कार्यक्षेत्रलाई बेवास्ता गर्दा राम्रा अवसरहरु गुमाउन सक्नुहुनेछ। सम्भावना देखिए पनि उपलब्धि प्राप्त गर्न समय लाग्नेछ। उपलब्धिहीन काममा समय बित्न सक्छ। चुनौतीपूर्ण कामको जिम्मेवारी वहन गर्नुपर्ला। नयाँ योजनातर्फ लगानीमा जोखिम बढ्नेछ।