आज विक्रम संवत २०८१ साल माघ १७ गते, बिहीबार । ईश्वी सन् २०२५ जनवरी ३० तारिख । नेपाल संवत् ११४५ । कालयुक्तनाम संवत्सर । उत्तरायणं । शिशिर ऋतु । श्रीशाके १९४६ । माघ शुक्लपक्ष प्रतिपदा तिथि, १७ः४१ बजेपछि द्वितीया। श्रवण नक्षत्र, ८ः४३ बजेपछि धनिष्ठा। चन्द्रराशि मकर। तपाईँको समय कस्तो चल्दैछ आज ? हेर्नुस् राशिफल 

मेष (चु, चे, चो, ला, लि, लु, ले, लो, अ)

कार्यक्षेत्रमा कार्यसम्पादनको लागि मेहनत धेरै गर्नुपर्ला। विशिष्ट व्यक्तिको साथ सहयोग मिल्नेछ। व्यापार व्यवसायमा थप लगानीबाट लाभ लिन सकिनेछ। मिहिनेत गर्दा जीवनशैलीमा परिवर्तन आउनेछ। व्यापारमा पनि राम्रै फाइदा हुनेछ। अरूलाई प्रभावित पारेर दाम, इनाम र प्रतिष्ठा कमाउने बेला छ। श्रमको प्रतिफल प्राप्त हुँदा मन प्रशन्न रहनेछ । 

वृष (इ, उ, ए, ओ, बा, बि, बु, बे, बो)
व्यापार व्यवसायबाट लाभ मिल्नेछ। नयाँ अनुबन्ध हात लाग्नाले मन प्रसन्न रहनेछ। सेयर मार्केटबाट मनग्य लाभ प्राप्त होला। कम महत्त्वका काममा अल्झनुपर्दा आँटेको काम ढिलागरी सम्पादन हुनेछ । आशा देखाउनेहरूले धोका दिनसक्छन् । गरी आएको कामलाई निरन्तरता दिन सकिनेछ। मेहनत धेरै गर्नुपरे पनि न्यून प्रतिफल प्राप्त हुनेछ । 

मिथुन (का, कि, कु, घ, ङ, छ, के, को, ह)
पराक्रमद्वारा अधिकार स्थापित गर्न सकिनेछ। मेहनतीहरूलाई समय निकै उत्साहजन रहनेछ। कार्यक्षेत्रमा आलस्य गर्नदेखि बच्नुहोस्।अरूका काममा धेरै समय खर्चनुपर्ला। काम बिग्रने भयले सताउनेछ । न्यून उपलब्धिमा चित्त बुझाउनुपर्ला । नयाँ काम सुरु गर्न केही समय पखर्नुहोस् । गरिआएको कामलाई भने निरन्तरता दिन सकिनेछ । 

कर्कट (हि, हु, हे, हो, डा, डि, डु, डे, डो)
कार्यक्षेत्रमा पर्याप्त सहयोग मिल्नेछ। साझेदारीमा गरिएको व्यापारबाट लाभ मिल्नेछ। कामको चापबाट समय मिल्नेछ । व्यापार व्यवसायमा राम्रो लाभ मिल्ने समय छ । विभिन्न सहयोग र उपहार प्राप्त हुँदा मन प्रशन्न हुनेछ । अतिथिका रूपमा मानसम्मान प्राप्त हुने समय छ । रमाइलो यात्रा गर्ने समय छ । 

सिंह (मा, मि, मु, मे, मो, टा, टि, टु, टे)
नोकरी वा पेशामा आत्मविश्वासको साथ निर्णय गर्दा सफलता प्राप्त हुनेछ । गोपनीयतामा ख्याल राख्नुहोस् । भौतिक साधन जुट्नेछ । दिगो फाइदा हुने काम प्रारम्भ हुन सक्छ। अधिकार र प्रतिष्ठा जोगाउन सफल भइनेछ। लामो यात्राको प्रक्रिया अघि बढ्नेछ। प्रयत्न गर्दा लक्ष्यमा पुग्न सकिनेछ। मिहिनेतले सफलता दिलाउनेछ।

कन्या (टो, प, पि, पु, ष, ण, ठ, पे, पो)
सहयोगीहरूको साथ पाइनेछ । सामाजिक सञ्जाल वा चिकित्साको क्षेत्रमा समय उत्तम रहेको छ। अवसर जुटे पनि स्वास्थ्यमा समस्या आउँदा कार्य सम्पादन प्रभावित हुनेछ । व्यापार व्यवसायमा समेत सोचेको फाइदा नउठ्ने देखिन्छ। नयाँ योजना कार्यान्वयन गर्न केही समय पर्खनुहोला। कृषि र व्यवसायमा गरिएको लगानीमा फाइदा लिन सकिनेछ । 

तुला (र, रि, रु, रे, रो, ता, ति, तु, ते)
आजको दिन सोचविचार गरेर बोल्नुहोस् । पारिवारिक समस्या सुल्झाउन गाह्रो हुनेछ। यद्यपि, जग्गा जमिनबाट राम्रो लाभ आर्जन गर्न सकिनेछ। हडबड गर्नाले काम बिग्रन सक्छ। अरुको फाइदाका लागि उपयोग भइएला। पहिलेको निर्णय पुनर्विचार गर्नुपर्ने स्थिति आउन सक्छ। महत्त्वाकांक्षी योजना गोप्य राख्नुहोला। पशुधनबाट सामान्य लाभ उठाउन सकिनेछ।

वृश्चिक (तो, ना, नि, नु, ने, नो, या, यि, यु)
समयमा कार्यसम्पादन हुनेछ । नोकरी वा पेशामा पदोन्नति हुनेछ । रोकिएको काम बन्ने र नयाँ काम सुरु गर्ने समय छ । उद्योग र व्यापारमा विशेष फाइदा हुनेछ। प्रतिस्पर्धीलाई पछि पार्न सकिनेछ। आम्दानी बढ्नेछ। विगतका कर्मको उचित प्रतिफल पाइनेछ। कृषिमा सामान्य र व्यवसायमा राम्रो फाइदा उठाउन सकिनेछ। प्रशस्त धन आर्जन गर्ने मौका छ।

धनु (ये, यो, भ, भि, भु, ध, फा, ढ, भे)
व्यापार व्यवसायमा आफन्तहरूको साथ र सहयोग मिल्नेछ। बोलिको प्रभावले आफ्नो कार्य पूरा गर्नमा सफल भइनेछ। आँटेको कार्य सम्पादन गर्न सफलता मिल्नेछ। श्रमअनुसार प्रतिफल कम पाइनेछ । प्रतिक्षित नतिजा कमजोर रहला । यद्यपि, आम्दानीमा कमि आउनेछैन । उठ्नुपर्ने रकम हातलागी हुनेछ। थोरै लगानीबाट पनि लाभ मिल्नेछ। भौतिक साधन जुट्नेछन् भने दिगो फाइदा हुने काम प्रारम्भ हुनेछ। 

मकर (भो, ज, जि, खि, खु, खे, खो, गा, गि)
आम्दानी सँगै खर्च पनि बढ्नेछ । व्यापार व्यवसायमा यात्राको अवसर छ । सेवामूलक कामबाट लाभ लिन सकिनेछ । उपहार प्राप्त होला । पछिका लागि कर्मफल सञ्चय गर्ने समय छ। मेहनतले अवसर दिलाउनेछ । पहिलेको सफलताले उत्साह जगाउनेछ। नयाँ कामको प्रस्ताव आउनेछ । गरिएको कामबाट राम्रै उपलब्धि हात लाग्नेछ । सानो प्रयासले नै काम बन्नेछ।

कुम्भ (गु, गे, गो, सा, सि, सु, से, सो, द)
रोजगारबाट लाभ प्राप्त हुनेछ। प्रशासनिक काममा बाधा आउनेछ। सवारी साधनमा धन खर्चका योग छन्। आम्दानी भन्दा खर्चमा वृद्धि हुनाले मन अशान्त रहनेछ। व्यापार व्यवसायमा सोचविचार गरेर निर्णय लिनुहोला। फाइदाका पछि लाग्दा आफ्नै धनमाल गुम्न सक्छ। खर्च बढ्नुका साथै आर्थिक अभाव देखा पर्ने समय छ। यात्राको अवसर मिल्नेछ ।

मीन (दि, दु, थ, झ, ञ, दे, दो, च, चि)
प्रतिष्ठित कार्य गर्ने अवसर मिल्नेछ। रोकिएका कार्य प्रारम्भ हुनेछन्। नयाँ अवसरका साथै आम्दानीका स्रोत फेला पर्नेछन्। श्रमको उचित मूल्याङ्कन हुनेछ। व्यापारमा थोरै लगानीबाट पनि नाफा उठाउन सकिनेछ। प्रयत्न गर्दा छोटो समयमै काम बनाउन सकिनेछ। आम्दानी बढ्नाले दैनिकीमा परिवर्तन आउन सक्छ।