काठमाडौँ / मिटरव्याज पीडित वार्ता टोलीसँग सरकारले गरेको छलफल निष्कर्षविहीन भएको छ ।
मंगलबार मिटरव्याजी पीडित संघर्ष समिति र सरकारबीच सिंहदरबारस्थित गृह मन्त्रालयमा भएको वार्ता निष्कर्ष बिहीन भएको हो ।
मिटरव्याजी पीडित वार्ता टोलीमा संयोजक अवधेश कुशवाहाले सरकारसँगको वार्ता निष्कर्ष बिहीन भएको जानकारी दिए । उनले सरकार मिटरव्याज पीडितको मागप्रति सकारात्मक नदेखिएको गुनासो गरे ।
उनले मिटरव्याज पीडितहरुले राखेको ६ बुँदे मागप्रति सरकार सकारात्मक नभएको गुनासो गर्दै माग सम्बोधन नभएसम्म आन्दोलन जारी राख्ने चेतावनी दिए । उनले सरकारलाई आफूहरुले राखेका ६ बुँदे माग तत्काल कार्यान्वयन भए आन्दोलन फिर्ता गर्ने बताए पनि सरकार मागप्रति सकारात्म नभएको बताए ।
उनले मिटरव्याज जाँचबुझ आयोग नभई पूर्ण अधिकारसहितको न्यायिक आयोग गठन गर्नुपर्ने आफूहरुको माग रहेको बताए । उनले आवश्यक दक्ष जनशक्ति, प्राविधिक क्षमता र मिटरब्याज जस्तो गम्भीर आर्थिक अपराधको विविध राजनीतिक, सामाजिक संरचनागत संलग्नताबारे ज्ञान भएको शक्तिशाली संयन्त्र बनाउन पनि माग गरिएको बताए ।