प्रसिद्ध मौलाकाली मन्दिरमा हरेक दिन दर्शन गर्नेको भिड हुन्छ । 

पूर्वी नवलपरासीको गैंडाकोटमा अवस्थित  उक्त मन्दिरसम्म पुग्नका लागि सञ्चालनमा आएको मौलाकाली केबलकारले दर्शनार्थीहरुलाई सहज बनाएको छ । 

पूर्व–पश्चिम राजमार्गको नारायणी पुलबाट उत्तरतर्फ दुई किलोमिटरमा मन्दिर फेदीको प्रवेशद्वार पुगिन्छ । 

मौलाकाली सामुदायिक वन र मौलाकालिका धार्मिक वनभित्र रमणीय हरियाली वातावरणमा केबलकार टप स्टेसन पुग्छ । 

यो केबलकार एक हजार दुई सय मिटर लम्बाइको छ । यहाँ कुल १२ डब्बा छन् । 

गत वर्ष प्रधानमन्त्री पुष्पकमल दाहाल ‘प्रचण्ड’ले केबलकारको औपचारिक उद्घाटन गरेका थिए ।

मौलाकाली केबलकार आयोजनामा मुख्य लगानीकर्ता आइएमई समूहको ५१ प्रतिशत सेयर छ । 

बाँकी ४९ प्रतिशत लगानी स्थानीय बासिन्दाको रहेको छ ।  दुई अर्ब रुपैयाँमा चारतारे होटेलसहित केबलकारको पूर्वाधार निर्माण गरिएको हो । 

तस्बिर : सनद अधिकारी/ रासस