काठमाडौँ / बिहीबारदेखि देशभर हल्कादेखि भारी बर्षा भइरहेको छ । बाढी र पहिरोले वितण्डा मच्चाउदा डुबान र सडकहरू अबरुद्ध छन् । किसानले लगाएको तरकारी खेतबारीमै खेर गएको छ भने सडक सञ्जाल टुटेपछि बजारसम्म तरकारी आउन सकेको छैन । डुबान र बाढी पहिरोको प्रभाव अब भान्सामा पनि पर्ने भएको छ ।  

तरकारी ल्याउने सडक मात्रै नभई बल्खु लगायतका तरकारी बजार पनि डुबानमा परेका छन् । बर्षा कम भएसँगै केही तरकारीहरू सस्तो हुँदा राहत महसुस गरेका उपभोक्ताहरू बर्षाको कारण पुनः मारमा परेका छन् । 

शनिबार देशको प्रमुख तरकारी बजार कालीमाटीमा अधिकांश तरकारीको भाउ दोब्बर बढीले बृद्धि भएको देखिन्छ । शुक्रबारको तुलनामा शनिबार भिण्डीको भाउ दोब्बर बढीले बृद्धि भएको देखिन्छ ।

शुक्रबार प्रतिकेजी ४२ रुपैयाँ ३३ पैसा रहेको भिण्डीलाई आज ८५ रुपैयाँ पर्नेछ भने रायोको सागको भाउ ७५ रुपैयाँबाट बढेर १४५ रुपैयाँ र लोकल सिमीको भाउ ४५ रुपैयाँबाट बढेर एकैपटक १११ रुपैयाँ ११ पैसा पुगेको छ । 

यसैगरी, लोकल सानो गोलभेडाको भाउ प्रतिकेजी ३१ रुपैयाँ, रातो आलु (भारतीय) ५९ रुपैयाँ, लोकल बन्दा ४४ रुपैयाँ ४४ पैसा, स्थानीय काउली १०५ रुपैयाँ र तने बोडी ७५ रुपैयाँ पुगेको छ । 

त्यस्तै, तितो करेला प्रतिकेजी ७५ रुपैयाँ, घिरौला र परवर ८५ रुपैयाँ, पिंडालू ६५ रुपैयाँ, हरियो प्याज २४५ रुपैयाँ, डल्ले च्याउ ३०० रुपैयाँ, कागती २४० रुपैयाँ, लोकल काक्रो ६५ रुपैयाँ, भारतीय मेवा ९० रुपैयाँ, हरियो खुर्सानी २२६ रुपैयाँ ६७ पैसा र अकबरे खुर्सानी ३२६ रुपैयाँ ६७ पैसा तोकिएको छ । 

विस्तृत तालिकामा हेर्नुस्