काठमाडौँ / नेपाल लाइफ इन्स्योरेन्स कम्पनी लिमिटेडमा तीन जना सञ्चालकहरू निर्वाचित भई पद बहाली भएका छन् ।
कम्पनीको २५औँ वार्षिक साधारण सभाको निर्णयानुसार स्थगन रहेको सर्वसाधारण सेयरधनीहरू (समूह ख) को सञ्चालक निर्वाचन सम्बन्धी बाँकी कार्यक्रम चैत्र २ गते होटल भिष्वा, बीरगंजमा सम्पन्न भएको थियो । उक्त निर्वाचनमा कम्पनीको सञ्चालक सदस्यमा बिमल प्रसाद ढकाल, कृष्णराज लामिछाने र शर्मिला श्रेष्ठ निर्वाचित हुनु भएका थिए ।
साथै, निर्वाचन सम्पन्न भए पश्चात् चैत्र २ गते बसेको कम्पनी सञ्चालक समितिको ३९३औँ बैठकमा बिमा ऐन, २०७९ बमोजिम नवनिर्वाचित ३ जना सञ्चालक सदस्यहरूले अध्यक्ष गोविन्द लाल संघईबाट सपथ ग्रहण गरी पदबहाली गरेका हुन् ।
