काठमाडौँ / सोमबार काठमाडौँमा केही तरकारी र फलफूलको भाउ बढेको छ । कालीमाटी फलफूल तथा तरकारी बजार विकास समितिको मूल्यसूची अनुसार आज बन्दा, काउली, करेला, फर्सी, साग र फलफूलको भाउ बढेको हो ।

आज लोकल बन्दाको भाउ बढेर प्रतिकेजी १२ रुपैयाँ ३३ पैसा, नरिवल बन्दा १७ रुपैयाँ ६७ पैसा, स्थानीय ज्यापु काउली र हाइब्रीड मूला २५ रुपैयाँ, स्थानीय काउली २२ रुपैयाँ ३३ पैसा, लाम्चो भन्टा ३८ रुपैयाँ ३३ पैसा र डल्लो भन्टा ४६ रुपैयाँ ६७ पैसा कायम गरिएको छ । 

त्यस्तै, घिउ सिमी प्रतिकेजी ३२ रुपैयाँ ३३ पैसा, तितो करेला ११५ रुपैयाँ, तराई परवर १४५ रुपैयाँ, हरियो फर्सी १५ रुपैयाँ, बरेला ३८ रुपैयाँ ३३ पैसा, रायोको साग ४२ रुपैयाँ ६७ पैसा, पालूगो साग ६५ रुपैयाँ, मेथी र जिरीको साग तथा रातो बन्दाको भाउ प्रतिकेजी ५५ रुपैयाँ कायम भएको छ । 

यसैगरी, हरियो प्याजको भाउ प्रतिकेजी ३५ रुपैयाँ, सेलरी १३० रुपैयाँ, फूजी स्याउ ३२० रुपैयाँ, भारतीय सुन्तला १२१ रुपैयाँ ६७ पैसा, हरियो खुर्सानी ११५ रुपैयाँ र बुलेट हरियो खुर्सानी १२५ रुपैयाँ पुगेको छ । 

विस्तृत तालिकामा हेर्नुस्